भरुवा बन्दुकसहित दुई जना पक्राउ

काठमाडौँ, ३ मंसिर । अछामबाट प्रहरीले एक थान भरुवा बन्दुकसहित दुई जनालाई पक्राउ गरेको छ ।

अछामको रामारोशन गाउँपालिका-६ पुदुबाट १ थान भरुवा बन्दुकसहित भाटाकाटिया बस्ने २१ वर्षीय जगत बहादुर साउद र २२ वर्षीय लाल बहादुर साउदलाई पक्राउ गरेको प्रहरीले जनाएको छ ।

प्रहरी चौकी शान्तडाबाट खटिएको प्रहरीले भरुवा बन्दुक बोकी हिँडिरहेको अवस्थामा उनीहरुलाई सोमबार राति पक्राउ गरेको हो ।