जनताको मन नदुखाउँने गरी काम गर्छु : विद्या भट्टराई

काठमाडौँ, १६ मंसिर । प्रतिनिधिसभा सदस्य कास्की क्षेत्र नं. २ को उपनिर्वाचनमा नेपाल कम्युनिष्ट पार्टी (नेकपा)का तर्फबाट उमेदवार बन्नुभएका विद्या भट्टराईले जसरी आफूलाई जनताको सेवा गर्न चयन गरेर पठाउँनुभएको छ, सोही अनुसार जनताको मन नदुखाउँने गरी काम गर्ने बताउनुभएकाे छ ।

लामो समयदेखि प्राध्यापन पेशामा संलग्न भट्टराई तत्कालिन संकृति पर्यटन तथा नागरिक उड्डयन मन्त्री रविन्द्र अधिकारीको हेलिकोप्टर दुर्घटनामा निधनपछि श्रीमानले देखेको सपना पुरा गर्नका लागि राजनीतिमा सक्रिय हुनुभएको थियो ।

विद्यार्थी राजनीतिमा सक्रिय भएकै बेला रविन्द्र अधिकारीसँग बैबाहिक जीवन बाधिनुभएका भट्टराई विवाहपछि प्राज्ञिक क्षेत्रमा काम गर्दै आउनुभएको थियो । आफू विद्यार्थी आन्दोलन, महिला आन्दोलन हुँदै प्राज्ञिक क्षेत्रमा लागेपनि राजनीतिबाट टाढा नभएकाले आफूले जनताको चाहनाअनुसार काम गर्न सक्ने दावी गर्नुहुन्छ । यो समाचार गोरखापत्र दैनिकमा छ ।