कोरोनाबाट मृत्यु हुनेको संख्या १४ हजार नाघ्यो

काठमाडौँ, १० चैत । विश्वमा कोरोना भाइरस अर्थात् कोभिड-१९ को संक्रमणबाट मृत्यु हुनेको संख्या १४ हजार नाघेको छ ।

र्ल्डो मिटर्स डट इन्फोका अनुसार आजसम्म कोरोना भाइरसबाट मृत्यु हुनेको संख्या १४ हजार ६४१ पुगेको छ । अहिलेसम्म विश्वभर ३ लाख ३७ हजार ३ सय जना कोरोनाबाट संक्रमित भएका छन् । सङ्क्रमितमध्ये ९८ हजार ६२७ उपचारपछि घर फर्किएका छन् । अहिले २ लाख २४ हजार ३२ जना कोरोना संक्रमित छन् । तीमध्ये १० हजार ५५३ जना भने गम्भीर अवस्थामा छन् ।

कोरोना संक्रमणबाट सबैभन्दा बढी इटालीमा मृत्यु भएको छ । वर्ल्डो मिटर्स डट इन्फोका अनुसार इटालीमा कोरोना संक्रमणबाट मृत्यु हुनेको संख्या ५ हजार ४७६ पुगेको छ ।