धादिङ, १८ साउन । सत्तारुढ दल नेपाल कम्युनिष्ट पार्टी (नेकपा)मा केन्द्र देखी स्थानीय तहसम्म विवाद व्यापक बन्दै गएको छ । यसै क्रममा जिल्लाको ज्वालामुखी गाउँपालिकाको वडा नं. ७ मा पुरानो कमिटीलाई अस्वीकार गर्दै २९ सदस्यीय समानान्तर कमिटी निर्माण भएको छ ।
नेकपा कुनै एउटा व्यक्ति वा समुहको लागिमात्र नभई आम नेकपामा आवद्ध लाखौं कार्यकर्ताको ढुकढुकी भएको उल्लेख गर्दै नेकपालाई कमाई खाने भाडोको रुपमा प्रयोग गर्नु नहुने भन्दै पुरानो कमिटीले गाउँको विकास र समृद्धिको लागि नभई स्वार्थवादी तथा गरिखाने भाँडोको रुपमा प्रयोग गर्ने केही झुण्डहरुको भएकाले त्यसलाई अस्वीकार गर्दै समय सापेक्ष परिस्कृत र रुपान्तरित ढंगले अघि बढ्ने गरी नयाँ कमिटी गठन गरिएको राष्ट्रिय युवा संघका नेता बाबु छत्कुलीले बताउनुभयो ।
केही अवसर वादी र बिस्तारवादी र आफुनै नेकपाको सर्वमान्य ठानेर एकलौटी ढङ्गबाट बनाइएको ज्वालामुखी गाउँपालिका वडा नं. ७ कमिटीलाई अस्विकार गरि आज बृहत् भेला गरि वडा कमिटी साथै युवा सङ्घ र साविक टोल कमिटी गठन गरिएको नेता छत्कुलीले जानकारी दिनुभयो ।
नयाँ बनाइएको कमिटीका वडाअध्यक्ष सूर्य प्रसाद इटनी, सचिव चेत प्रसाद खकुराल रहने गरि २९ सदस्यीय कमिटी घोषणा गरिएको छ ।
प्रतिक्रिया दिनुहोस्