करेन्ट लागेर दाजुभाइको मृत्यु

पाल्पा, ६ फागुन । करेन्ट लागेर पाल्पामा दाजुभाइको मृत्यु भएको छ ।

जिल्ला प्रहरी कार्यालय पाल्पाका अनुसार तिनाउ गाउँपालिकामा माछा मार्ने क्रममा खुलखुलेका २० वर्षीय सुरज सुनार र उनका भाइ १४ वर्षीय राकेश सुनारको करेन्ट लागेर मृत्यु भएको हो ।

बिहीबार साँझ करिब ७ बजेको समयमा स्थानीय तिनाउ–१ बेलदमार बस्ने पदमबहादुर चिदीको घरबाट तार जोडेर माछा मार्ने क्रममा दाजुभाइलाई करेन्ट लाग्दा घटनास्थलमै मृत्यु भएको प्रहरीले जनाएको छ  । उक्त घटनाबारे थप अनुसन्धान जारी रहेको प्रहरीले जनाएको छ ।