गोरखा, १८ जेठ । जिल्लाको आरुघाट गाउँपालिका-१ कल्चेतमा भिरबाट लडेर एक बालकको मृत्यु भएको छ ।
प्रहरीका अनुसार विद्यालयबाट घर फर्किंदै गर्दा अंगेरी टिप्न गएका सात वर्षीय अनमोल गुरुङको लडेर मृत्यु भएको हो । मृतक गुरुङ चन्द्रोदय प्राविमा अध्ययनरत थिए ।
ढुङ्गामा चिप्लिएर भिरबाट तल खस्दा माथिबाट त्यही ढुङ्गा आएर टाउकोमा लागेपछि घाइते गुरुङको प्राथमिक स्वास्थ्य केन्द्र केरौजामा उपचारको क्रममा मृत्यु भएको बताइएको हो । उनको शव पोष्टमार्टमका लागि आरुघाट ल्याउने तयारी भइरहेको प्रहरीले जनाएको छ ।
प्रतिक्रिया दिनुहोस्