दुई ट्रक एकापसमा ठोकिँदा तीन जनाको मृत्यु

जनकपुरधाम, ११ चैत । धनुषामा दुई ट्रक एकापसमा ठोकिएको छ ।

धनुषाका प्रहरीका अनुसार आज बिहान मिथिला नगरपालिका ३ हरिहरपुरमा पूर्वबाट पश्चिमतर्फ आउँदै गरेको ना ६ ख ६५७८ नम्बरको ट्रक र विपरित दिशाबाट जाँदै गरेको प्रदेश १- ०१–००१ख ९२९२ नम्बरको ट्रक एकआपसमा ठोकिएर तीन जनाको मृत्यु भएको हो ।

सुनसरीका २८ वर्षिय चालक सागर चौधरी, सह चालक अर्जुन चौधरी र मोरङका ४४ वर्षिय लोकमान श्रेष्ठको घटनास्थलमै मृत्यु भएको हो । सर्लाहीका २० वर्षिय नारायण श्रेष्ठ घाइते भएका छन् । उनको उपचार ढल्केवर अस्पतालमा भइरहेको छ ।