कोसीका मुख्यमन्त्री थापाद्वारा शपथ ग्रहण, दुई मन्त्री नियुक्त

विराटनगर, २२ असार । कोसी प्रदेशका नवनियुक्त मुख्यमन्त्री उद्धव थापाले पद तथा गोपनीयताको शपथ लिएका छन् ।

आज बिहान प्रदेश प्रमुख पर्शुराम खापुङले मुख्यमन्त्री थापालाई शपथ गराएका हुन् । मुख्यमन्त्री थापाले नेपाली कांग्रेसका प्रदीप सुनार र नेकपा (एकीकृत समाजवादी)का कमल जबेगुलाई मन्त्रीमा नियुक्त गरेका छन् ।