पाँचजना जुवाडे पक्राउ

काठमाडौँ, १ साउन । काठमाडौँ महानगरपालिका–६, बौद्धमा जुवातास खेलिरहेको अवस्थामा पाँचजना पक्राउ परेका छन् । 

प्रहरीका अनुसार सोही ठाउँमा डेरा गरी बस्ने चितवन भरतपुर महाननगरपालिका–११ भोजाङ घर भएका ५० वर्षीय जगतबहादुर गुरुङसमेत पक्राउ परेका छन् । 

गुरुङकै कोठामा जुवातास खेलिरहेको अवस्थामा उनी समेत पाँचजनालाई आइतबार साँझ पक्राउ गरिएको प्रहरीले जनाएको छ । गुरुङको कोठामा जुवातास खेलिरहेको भन्ने खबर प्राप्त हुनासाथ प्रहरी वृत्त बौद्धबाट खटिएको प्रहरीले उनीहरूलाई नगद ३३ हजार ३०० रुपैयाँ र तीन बुक ताससहित पक्राउ गरेको जनाइएको छ ।