लागु औषधसहित २ जना पक्राउ

भक्तपुर, ११ साउन । भक्तपुरबाट दुई जना लागू औषधसहित पक्राउ परेका छन् ।

प्रहरीका अनुसार सर्लाहीको हरिवन नगरपालिका वडा नं. ७ घर भई हाल भक्तपुर नगरपालिका वडा नं. ५ आदर्श बस्ने २२ वर्षीय समिर आलम र सुनसरी घर भई हाल भक्तपुर नगरपालिका वडा नं. ५ भेलुखेल बस्ने १९ वर्षीय अर्जुन परियारलाई पक्राउ गरेको हो ।

उनीहरुको साथबाट प्रहरीले डाइजेपाम, फेनारगन र नोरफिन आठ/आठ थान तथा पाँच थान सिरिन्ज बरामद गरेको छ । बुधबार बेलुका साढे ६ बजे प्रहरी प्रभाग दरबार स्क्वायरबाट खटिएको प्रहरी टोलीले हनुमानघाटमा चेकिङ गर्ने क्रममा उनीहरुलाई लागू औषधसहित पक्राउ गरेको प्रहरीले जनाएको छ ।