युट्युबर मनोज मानव पक्राउ

काठमाडौँ, २३ कार्तिक । मनोज मानव भनिने मनोजकुमार महतो पक्राउ परेका छन् ।

‘स्टार अनलाइन टीभी’ नामक युट्युब च्यानल सञ्चालन गरेका उनलाई नेपाल प्रहरीको साइबर ब्युरोको टोलीले बुधबार (हिजो) साँझ पक्राउ गरेको हो । महतोले आफ्नो चरित्रहत्या गरेको भन्दै एक महिलाले दिएको उजुरीको आधारमा उनलाई पक्राउ गरिएको ब्यूरोले जनाएको छ ।

उनीमाथि थप अनुसन्धान भइरहेको ब्युरोले जनाएको छ । विभिन्न व्यक्तिको चरित्र हत्या गर्ने खालका सामग्री टिकटकमार्फत पोस्ट गरेको आरोपमा उनी पक्राउ परेका हुन् ।