राजनीति

कोसी मन्त्रिपरिषद् बैठकका  चार निर्णय 



विराटनगर, २९ माघ । कोसी मन्त्रिपरिषद्ले विभिन्न चार निर्णय गरेको छ ।

आज बिहान बसेको बैठकबाट मुख्यमन्त्री कार्यालय प्रदेश किताबखाना निर्देशिका, २०८० स्वीकृत गरिएको छ ।

यस्तै, बराह पोखरी गाउँपालिकाको नाम परिवर्तन गरी बाराहापोखरी राख्न संघीय सरकारसमक्ष सिफारिस गर्ने, कानेपोखरी गाउँपालिकाको प्रशासनिक भवन वडा नम्बर–५ को भौसाबारीमा स्थापनाका निम्ति संघीय सरकारमा सिफारिस गर्ने निर्णय गरिएको सरकाका प्रवक्ता एवं आन्तरिक मामिला तथा कानुनमन्त्री शम्शेर राईले बताए ।

समपूरक र विशेष अनुदानको विषय समेत मन्त्रिपरिषद्बाट स्वीकृत गरिएको उनले जानकारी दिए ।