मुस्ताङ, २१ वैशाख । नेपाल र चिनको सिमाना कोरोला नाका, मुस्ताङमा नेपाल विद्युत प्राधिकरण, तातोपानी वितरण केन्द्रले ट्रान्सफरमर जडान गरी पहिलो पटक विद्युत सेवा उपलब्ध गराएको छ ।
प्राधिकरणका गण्डकी प्रदेश प्रादेशिक कार्यालयका प्रमुख कमल आचार्यको समन्वयमा बत्ति पुगेको तातोपानी वितरण केन्द्रका प्रमुख प्रकाश काफ्लेले जानकारी गराउनु भयो । प्रमुख काफ्लेले कोरोला नाका खुलेसँगै विद्युतको आवश्यक महशुस गरी प्रतिकुल मौसमका बाबजुत विद्युत सेवा विस्तार गरिएको बताउनु भयो ।
जसका लागि लोमान्थाङ गाउँपालिकाका प्रमुख तथा मुस्ताङ जिल्लाका प्रमुख जिल्ला अधिकारीले समेत विद्युत विस्तार गर्न आवश्यक समन्वय गर्नु भएको थियो । ट्रान्सफरमर जडानका क्रममा सशस्त्र प्रहरी र नेपाल प्रहरी, नेचुङको सहयोगका लागि तातोपानी वितरण केन्द्रका इन्जिनियर उत्तम अधिकारीले धन्यवाद ज्ञापन गर्नुभयो ।
बत्ति पुगे सँगै सुरक्षामा खटिने सुरक्षाकर्मी लगायत नाकामा व्यवसाय गरेर बस्ने व्यवसायीहरुले राहत महशुस गर्दै खुसि व्यक्त गरेकाछन् ।मुस्ताङ जिल्लामा प्राधिकरणको स्थानीय कार्यालय नभएका कारण म्याग्दी जिल्ला, अन्नपूर्ण गा.पा. स्थित तातोपानी वितरण केन्द्रको मातहतमा रही निलगिरी उपभोक्ता सहकारी संस्था लि. मुस्ताङले,मुस्ताङ जिल्लामा विद्युत सेवा दिदै आइरहेको छ ।
प्रतिक्रिया दिनुहोस्