बस दुर्घटना हुँदा २५ यात्रु घाइते

काठमाडौँ, १६ जेठ । दाङको गढवा–कोइलाबास सडक खण्डको चिसापानीमा बस दुर्घटना हुँदा २५ जना यात्रु घाइते भएका छन् ।

इलाका प्रहरी कार्यालय गढवाकाका अनुसार भारतीय सीमावर्ती गाउँ कोइलाबासबाट लमही आउँदै गरेको रा १ ख ८३३ नम्बरको बस आज दिउँसो गढवा गाउँपालिका वडा नम्बर ५ चिसापानीमा दुर्घटना भएको हो ।

बस दुर्घटनामा २५ जना घाइते भएका र घाइतेहरुलाई उपचारका लागि लमही अस्पताल पठाइएको छ । उनका अनुसार घाइते सबैको अवस्था सामान्य छ ।