राजनीति

नेतृत्व चयन गर्दै जसपा नेपाल



जनकपुर, २९ जेठ । जनता समाजवादी पार्टी नेपालको प्रथम महाधिवेशन सोमबार जनकपुरमा सुरु भएको छ ।

बुधबारसम्म चल्ने महाधिवेशनले पार्टीको नयाँ नेतृत्व चयन गर्नेछ । पार्टी अध्यक्षमा उपेन्द्र यादव निर्विकल्प देखिएका छन् । अरू पदमा भने प्रतिस्पर्धा हुने देखिएको छ । जसपा नेपालको केन्द्रीय समितिको निर्वाचन भने बुधबारका लागि तोकिएको छ ।

महाधिवेशन उद्घाटन गर्दै पार्टी अध्यक्ष उपेन्द्र यादवले विभेद र असमानता अन्त्य नभए कुनै पनि सुधार र विकास हुन नसक्ने बताए । राज्य र नेतृत्व सुध्रिए नेपालबाट कोही पनि बाहिर जानु नपर्ने, किसान र मजदुरहरूसँग भइरहेको ज्यादती र अन्याय अन्त्य भए देश र जनता पुनः आत्मनिर्भर बन्न सक्ने उनको तर्क थियो ।