कन्टेनर र ट्रक ठोक्किँदा दुईजनाको मृत्यु

काठमाडौँ, ११ साउन । चितवनको नारायणगढ–मुग्लिन सडकखण्डअन्तर्गत भतेरीमा कन्टेनर र ट्रक एकापसमा ठोक्किँदा दुईजनाको मृत्यु भएको छ ।

जिल्ला प्रहरी कार्यालय चितवनका अनुसार भारतको उत्तर प्रदेशका २४ वर्षीय मेहताव आलम र पर्साको वीरगन्ज महानगरपालिका–२४ का ३३ वर्षीय प्रमोद पटेलको मृत्यु भएको हो ।

दुर्घटनामा गम्भीर घाइते भएका उनीहरूको उपचारका क्रममा चितवन मेडिकल कलेजमा मृत्यु भएको हो । आलम भारतीय ट्रकका चालक हुन् । पटेल कन्टेनरका चालक हुन् । भारतीय ट्रकका सहचालक गोरखपुरका २२ वर्षीय सावन अहमद गम्भीर घाइते भएका छन् । सोही अस्पतालमा उनको उपचार भइरहेको प्रहरीले जनाएको छ ।