काठमाडौँ, १४ साउन । भक्तपुर, दोलखा र सिन्धुपाल्चोकमा भारी वर्षा भएको छ ।
जल तथा मौसम विज्ञान विभागका अनुसार भक्तपुरको हनुमन्ते खोला जगाती बाढीमापन केन्द्रमा जलसतहले सतर्कता तह पार गरेको छ । त्यसैले हनुमन्ते खोलाको तटीय क्षेत्रमा रहनेहरूले बिहान ७ बजेसम्म उच्च सतर्कता अपनाउनुपर्ने छ ।
दोलखा र सिन्धुपाल्चोकमा मध्यमदेखि भारी वर्षा मापन भएको छ । त्यसैले यी जिल्ला भएर बहने नदी तथा खोलामा आकस्मिक बाढीको जोखिम रहेको विभागको भनाइ छ । कमजोर तथा भिरालो जमिनमा पहिरोको जोखिम रहेकाले उच्च सतर्कता अपनाउन विभागको आग्रह छ ।
प्रतिक्रिया दिनुहोस्