पहिरोले २ घर पुरिंदा १ जनाको मृत्यु

काठमाडौँ, २२ साउन । गुल्मीको मुसिकोट नगरपालिकाको वडा नम्बर–१ बिसौनामा गएको पहिरोले २ वटा घर पुरिएका छन् ।

जिल्ला प्रहरी कार्यालय गुल्मीका अनुसार घर पुरिंदा एक जनाको मृत्यु भएको छ भने तीन जना बेपत्ता भएका छन् । पहिरोमा पुरिएर २ जना घाइते भएको छ ।

आज बिहान घरमाथिबाट लेदो सहितको पहिरोले बिष्णु विक र हुकुम विकको घर पुरिएको प्रहरीले जनाएको छ । बेपत्ता भएकाहरूको खोजीका लागि प्रहरी र स्थानीयवासी परिचालन भएका छन् ।  रातिदेखि गुल्मीमा अविरल वर्षा भइरहेको छ ।