हेलिकप्टर दुर्घटनाप्रति कांग्रेसले गर्‍यो दुःख व्यक्त

काठमाडौँ, २३ साउन । नेपाली कांग्रेसले नुवाकोटको शिवपुरीमा भएको एयर डाइनेस्टीको हेलिकप्टर दुर्घटनामा चालकसहित पाँच जनाको मृत्यु भएकोमा दुःख व्यक्त गरेको छ । 

आज पार्टी कार्यालय सानेपामा बसेको केन्द्रीय समिति बैठकले दुर्घटनाप्रति दुःख व्यक्त गरेको हो । दिउँसो काठमाडौँ विमानस्थलबाट रसुवाको स्याफ्रुबेसीका लागि उडेको हेलिकप्टर दुर्घटना भएको थियो ।

बैठकपछि प्रवक्ता डा.प्रकाशशरण महतले दुर्घटनामा ज्यान गुमाएकोप्रति दुःख व्यक्त गर्दै भने, ‘हेलिकप्टर दुर्घटनामा चालक दलका सदस्यसहित चार चिनियाँ नागरिकले ज्यान गुमाएकोमा पार्टीले दुःख व्यक्त गरेको । त्यस विषयमा पार्टीले शोक वक्तव्य निकाल्नेछ’, उनले भने ।