पहिरोमा पुरिएर एकै परिवारका चारजनाको मृत्यु

काठमाडौँ, ३ भदौ । पहिरोमा पुरिएर बझाङमा एकै परिवारका चारजनाको मृत्यु भएको छ ।

बुंगल नगरपालिका–१० स्थित टुमेडामा पहिरोमा पुरिएर चारजनाको मृत्यु भएको हो । 

बझाङका प्रमुख जिल्ला अधिकारी विश्वामित्र कुइकेलका अनुसार स्थानीय वीरबहादुर धामीको घर पहिरोमा पुरिँदा चारजनाको मृत्यु भएको र पहिरोमा पुरिएर मृत्यु भएका चारजनाको शव निकालिएको छ ।  

६ जनाले भागेर ज्यान जोगाएको उनले जानकारी दिए ।