स्कुटर दुर्घटना हुँदा चालकको मृत्यु

काठमाडौँ, १७ भदौ । पाल्पाको रामपुर नगरपालिका–१०, बर्दलेमा स्कुटर दुर्घटना हुँदा चालकको मृत्यु भएको छ । 

जिल्ला प्रहरी कार्यालय पाल्पाका अनुसार कालीगण्डकी करिडोरअन्तर्गत रामपुरको बर्दलेबाट रामटारतर्फ जाँदै गरेको लु४४प २४३१ नम्बरको स्कुटर आज बिहान दुर्घटना हुँदा रामपुर–१० का चालक ४० वर्षीय यमबहादुर खरु मगर गम्भीर घाइते भएका थिए ।

उनलाई उपचारका लागि रामपुर अस्पताल ल्याइएकोमा चिकित्सकले मृत घोषणा गरेको हो । स्कुटर अनियन्त्रित भइ सडक किनारको डिभाइडरमा ठोक्किएको प्रहरीले जनाएको छ ।