काठमाडौँ यी स्थानमा आज विद्युत अवरूद्ध हुने

काठमाडौँ, १० फागुन । काठमाडौँको सतुंगल क्षेत्रमा आज पाँच घन्टा विद्युत अवरूद्ध हुने भएको छ ।

नेपाल विद्युत प्राधिकरणका अनुसार बलम्बु वितरण केन्द्रको सतुंगल फिडर अन्तर्गतका क्षेत्रहरूमा शनिबार बिहान ११ बजेदेखि अपराह्न ४ बजेसम्म विद्युत अवरूद्ध हुने भएको हो ।

उक्त फिडर अन्तर्गत पर्ने कन्चन गेट, बेसी गाउँ, बौथली, सतुंगल चोक लगायतका क्षेत्रमा विद्युत लाइन काटिने प्राधिकरणले जनाएको छ । निर्धारित काम तोकिएको समय अगाडि नै सम्पन्न भए त्यसअगाडि नै विद्युत सेवा सुरू हुने प्राधिकरणले जनाएको छ ।