भीरबाट लडेर एक जनाको मृत्यु

दैलेख, ६ जेठ । दैलेखमा भीरबाट लडेर एक जनाको मृत्यु भएको छ ।

जिल्ला प्रहरी कार्यालय दैलेखका अनुसार भगवतीमाई गाउँपालिका–३ सान्तडाका २१ वर्षीय मीमबहादुर चन्दको भीरबाट लडेर मृत्यु भएको हो ।

चन्द भगवतीमाई गाउँपालिका–१ वेस्तडा बजारदेखि पैदल हिँड्दै वडा नम्बर–३ मेहेलतोलीमा रहेको घर जाने क्रममा रुम खोलाको लाप्का तरेर सिँढी चड्दै गर्दा भीरबाट लडेर मृत्यु भएको प्रहरीले जनाएको छ ।