सप्तकोसीमा बेपत्ता एक सुरक्षाकर्मीको शव फेला

सुनसरी, २३ जेठ । विपद् उद्धार अभ्यासका क्रममा बिहीबार सप्तकोसी नदीमा बेपत्ता भएका दुईमध्ये एकजनाको शव फेला परेको छ । 

प्रहरीका अनुसार बेपत्ता दुईमध्ये सशस्त्र प्रहरी जवान झापाका हरेदेव राजवंशीको शव केहीबेरअघि सप्तकोसी किनारमा फेला पारेको हो । 

हराइरहेका अर्का प्रहरी जवान डोटीका सुरज साउदको खोजी जारी छ । सुरक्षाकर्मीको खोजीमा सशस्त्र प्रहरी बलका वरिष्ठ प्रहरी उपरीक्षक नेत्र कार्कीको नेतृत्वमा ३५ सदस्यीय टोली परिचालन भएको छ ।