बलात्कार मुद्दाका फरार प्रतिवादी पक्राउ

काठमाडौँ, १५ असार । बलात्कार मुद्दाका फरार प्रतिवादीलाई प्रहरीले ललितपुरको एकान्तकुनाबाट पक्राउ गरेको छ ।

जिल्ला प्रहरी परिसर काठमाडौँका अनुसार गोरखाको गण्डकी गाउँपालिका–५ घर भएका अमृत गैरे भन्ने अमृत सार्कीलाई पक्राउ गरिएको हो । 

२३ वर्षीय गैरे बलात्कार मुद्दामा फरार थिए । प्रतिवादीलाई आइतबार पक्राउ गरेर अनुसन्धान थालिएको प्रहरीले जनाएको छ  ।