एसपीपी फिर्ता लिनेबारे छलफल भएको छैनः अध्यक्ष नेपाल

काठमाडौँ, ५ असार । नेकपा एकीकृत समाजवादीका अध्यक्ष माधवकुमार नेपालले अमेरिकाको स्टेट पार्टनरसीप प्रोग्राम (एसपीपी) फिर्ता लिनेबारे छलफल नभएको बताएका छन् ।

आज सञ्चारमाध्यमका सम्पादकसँगको छलफलमा बोल्दै अध्यक्ष नेपालले सत्तारुढ गठबन्धनको बैठकमा यसबारे छलपल नभएको बताएका हुन् ।

उनले सेनाले अमेरिकालाई पत्र पठाउनु ठीक थियो कि थिएन भनेर छलफल हुनुपर्ने बताए । ‘नेपाली सेनाले चिठी पठाउने कुरा कुटनीतिक हिसाबले ठीक थियो भन्ने प्रश्न खडा भएको छ । सेनाले अर्को देशको कुटनीतिज्ञलाई चिठी पठाउने ठीक थियो कि थिएन ? त्यसमा को कसको भूमिका थियो भन्ने बारेमा छलफल हुनुपर्छ’ अध्यक्ष नेपालले भने ।

गठबन्धनको छलफलमा प्रधानमन्त्री देउवाले आफूहरुसँग राष्ट्र हित विपरीतका सहमतिमा हस्ताक्षर नगर्ने बताएको जानकारी दिए । उनले भने, ‘प्रधानमन्त्रीज्यूले नेपालको हितमाथि आघात पुग्ने कुनै पनि कागजमा, सम्झौतामा मबाट सही हुने छैन, ‘यति क्याटागोरीकल्ली बोलिसकेपछि, गृहमन्त्रीले पनि संसदमा बोलिसकेपछि हामीले धेरै शंका गरिरहनुपर्ने आवश्यकता छैन ।’

© 2016 अपटुडेट पब्लिकेशन प्रा.लि.
Designed by appharu.com