न्यायाधीश कोइरालाले ४५ दिन काम गर्न नपाउने

काठमाडौँ, ८ असार । घुस लेनदेनसम्बन्धी अडियो प्रकरणमा मुछिएका काठमाडौँ जिल्ला अदालतका न्यायाधीश राजकुमार कोइरालाले अब ४५ दिन काम गर्न नपाउने भएका छन् ।

आजैका मितिदेखि उनले काम गर्न नपाउने भएका हुन् । बुधबार बसेको न्याय परिषद्को बैठकले तत्कालका लागि उनलाई ‘काम गर्नबाट वञ्चित गर्ने’ निर्णय गरेको हो ।

बैठकबाट न्यायाधीश कोइराला र अधिवक्ता रुद्रप्रसाद पोखेरलबीच भएको भनिएको अडियो संवादका विषयमा छानबिन गर्न तीन सदस्यीय समिति गठन गरिएको छ ।

© 2016 अपटुडेट पब्लिकेशन प्रा.लि.
Designed by appharu.com