एचआइभि एड्स संक्रमितलाई उपचारको अभाव हुन दिइदैन : प्रम ओली

काठमाण्डौ, १५ मंसिर । प्रधानमन्त्री केपी शर्मा ओलीले एचआइभि एड्स संक्रमितलाई उपचारको अभाव हुन नदिने बताउनुभएको छ ।

३१ औं विश्व एड्स दिवशको अवसरमा एक सन्देश दिंदै प्रधानमन्त्री ओलीले एचआइभि संक्रमितलाई सरकारले निशुल्क औषधीको व्यवस्था गरेको स्मरण गराउनु भएको छ । “नेपालमा एचआइभि संक्रमितहरुलाई सरकारले निशुल्क औषधीको व्यवस्था गरेको ” प्रधानमन्त्री ओलीले सन्देशमा भन्नुभएको छ “सबै संक्रमितहरुमा यो सेवा पु¥याउन सरकारका स्वास्थ्य निकाय र एड्स विरुद्ध कार्यरत सबै संस्थाहरुलाई म आग्रह गर्दछु । सबै संक्रमितमरुले उपचार सेवा पाउनु पर्दछ ।”

एचआइभि एड्स नियन्त्रणका उपायलाई थप प्रभावकारी बनाउन सबै क्षेत्रको आवश्यकतामा प्रधानमन्त्री ओलीले जोड दिनुभएको छ । दिगो विकासका लक्ष्यहरुले स्वास्थ्य मानव समाजको परिकल्पना गरेको स्मरण गराउँदै प्रधानमन्त्री ओलीले सन् २०३० सम्ममा एड्स रोग निर्मूल गर्ने रणनीतिलाई द्रुतगतिमा अघि बढाउनु पर्नेमा जोड दिनुभएको छ । यस अभियानमा नेपालमा पनि राष्ट्रिय एड्स परिषदले महत्वपूर्ण भूमिका निर्वाह गर्ने प्रधानमन्त्री ओलीको विश्वास छ ।

© 2016 अपटुडेट पब्लिकेशन प्रा.लि.
Designed by appharu.com