प्रदेशप्रमुख कायस्थ र प्रधानसेनापति थापाबीच भेटवार्ता

जनकपुरधाम, १६ पौष । प्रदेश २ का प्रदेश प्रमुख रत्नेश्वरलाल कायस्थ र प्रधानसेनापति पूर्णचन्द्र थापाबीच सोमबार बिहान करिब ११ बजे भेटवार्ता भएको छ ।

भेटवार्ताका क्रममा प्रदेश २ मा विकास कार्यमा हुन सक्ने सेनाको भूमिका बिषयमा कुराकानी भएको प्रदेश प्रमुखको सचिवालयले जनाएको छ ।

प्रधानसेनापति थापाले भेटको क्रममा प्रदेश २ मा महोतरीको बर्दिबास स्थित सैनिक विद्यालय तथा सैनिक अस्पताल सञ्चालन हुने साथै मोबाइल अस्पतालमार्फत स्वास्थ्य सेवा सञ्चालन गरिने र मधेसका युवाहरुलाई सेनामा आकर्षित गर्ने योजनाहरु ल्याउने पनि बताएका प्रदेश प्रमुखको सचिवालयले जानकारी दिएको छ ।

© 2016 अपटुडेट पब्लिकेशन प्रा.लि.
Designed by appharu.com