पातन्जल योग समिति भक्तपुरद्वारा प्रथम योग जागरण अभियान शुभारम्भ

भक्तपुर, १९ चैत । पातन्जल योग समिति भक्तपुरले जिल्लाभर योगजागरण ल्याउने उद्देश्य हेतु आज बाट प्रथम योगजागरण अभियानको शुभारम्भ गरेको छ ।

साधारणतया हामिले चोक चोकमा कुनै भाषण, सडक नाटक, आम सभा तथा तिहारमा खेलिने देउसे भैलो खेलेको देखेका छौ । तर भक्तपुरको गट्ठाघर चोकमा भने आज फरक दृश्य देखियो । पातन्जल योग समिती नेपालले फरक तरिकाले योग जागरण अभियानको थालनी गरेको छ ।

करिव चैत्र महिना भरी नै चल्ने योग जागरण भक्तपुर जिल्ला भरीकै विभिन्न चोकहरुमा सन्चालन हुनेछ । नेपालीहरुको योग प्रतिको चासो बढिरहदा नेपाली माटो सुहाउने योगको जरुरी रहेकोले जन जनमा योगको महत्व बुझाउन यो अभियानको थालनी गरेका हौ, पातन्जल योग समिती नेपालका केन्द्रिय अध्यक्ष सुदर्शन सुवेदीले बताउनु भयो ।

कार्यक्रममा सकृय सहभागिता जनाई रहनु भएका योग जिल्ला समन्वय समितिका भक्तपुरका अध्यक्ष बालमुकुन्द सुवालले राष्ट्रियताको सवालमा पातन्जल योग एक कदम अगाडि रहेको हुँदा पातन्जलको योग अभियानमा आफ्नो सधै सकृयता रहने बताउनु भयो ।

नियमित योग अभ्यास, भजन नृत्य र कठिन आसनहरु प्रदर्शन गर्दै सन्चालन भएको उक्त योग जागरण कार्यक्रममा भक्तपुर भित्रका सयौं योगसाधकहरुको उत्साहजनक सहभागिता रहेको थियो । अभियानको बाकी कार्यक्रमहरु चारवटै नगरपालिकाका सडक, चोकहरुमा चैत्र महिना भरी बिहान ५ बजे देखि सन्चालन हुने जिल्ला अध्यक्ष योग प्रसाद आचार्यले बताउनुभयो ।

© 2016 अपटुडेट पब्लिकेशन प्रा.लि.
Designed by appharu.com