चीनका रक्षामन्त्री आज नेपाल आउँदै, यस्ताे छ भ्रमण-तालिका

काठमाडौँ, १४ मंसिर । चीनका राज्यपरिषद् सदस्य एवं रक्षामन्त्री वेइ फेङ्हो नेपालको एकदिने भ्रमणमा आज नेपाल आउने भएका  छन ।

परराष्ट्र मन्त्रालय स्रोतका अनुसार चीनका पहिलो वरियताका स्टेट काउन्सिलर वेई २० सदस्यीय प्रतिनिधिमण्डलसहित अहिले बिहान १० बजे त्रिभुवन अन्तर्राष्ट्रिय विमानस्थलमा ओर्लिने छन ।

परराष्ट्र मन्त्रालयले सार्वजनिक गरेको भ्रमण तालिकाअनुसार काठमाडौं ओर्ले लगत्तै मन्त्री वेई बालुवाटारस्थित चिनियाँ दूतावास पुग्नुनेछन  । त्यहाँ दिवाभोज गरेपछि उनी औपचारिक वार्ताका लागि जंगी अड्डामा पुगी प्रधानसेनापति पूर्णचन्द्र थापासँग प्रतिनिधिमण्डलस्तरीय औपचारिक वार्ता हुने कार्यक्रम रहेको छ ।

भ्रमणका क्रममा उनले राष्ट्रपति एवं प्रधानमन्त्रीसँग शिष्टाचार भेट गर्ने कार्यक्रम रहेको परराष्ट्र मन्त्रालयले जनाएको छ । उनी आज साँझ नै चीन फर्कने छन  ।

© 2016 अपटुडेट पब्लिकेशन प्रा.लि.
Designed by appharu.com