स्थानीय तह निर्वाचनको ८० प्रतिशत परिणाम आयो : निर्वाचन आयोग

काठमाडौँ, ५ जेठ । निर्वाचन आयोगले स्थानीय तह निर्वाचनको ८० प्रतिशत नतिजा आएको बताएको छ ।

आयोगका प्रवक्ता शालिकराम शर्मा पौडेलका अनुसार अहिलेसम्म नगरप्रमुखमा १७४, उपप्रमुखमा १७४, गाउँपालिका अध्यक्षमा ३९६, उपाध्यक्षमा ३९६को नतिजा आइसकेको छ ।

आज दिउँसो ४ बजेसम्म ७५३ पालिकामध्ये ५७० स्थानीय तहको नतिजा निर्वाचन आयोगको प्रणलीमा प्रविष्ट भएको छ भने आज दिउँसो ४ बजेसम्म ५ हजार ६५९ वडाध्यक्ष निर्वाचित भइसकेका छन् ।

३५ हजार २२१ प्रतिनिधि निर्वाचित हुनेमा अहिलेसम्म २९ हजार ३०३ जनप्रतिनिधि निर्वाचित भइसकेको आयोगले जनाएको छ ।

© 2016 अपटुडेट पब्लिकेशन प्रा.लि.
Designed by appharu.com