नेपाल आएको जजिराको विमान चरासँग ठोक्कियो

भैरहवा, ९ जेठ । १२१ जना यात्रु लिएर नेपाल आएको जजिराको विमान गौतमबुद्ध अन्तर्राष्ट्रिय विमानस्थलमा चरासँग ठोक्किएको छ ।

आज बिहान २ बजे कुवेतबाट आएको विमान विमानस्थल परिसरमा चरासँग ठोकिएको विमानस्थल स्रोतले जानकारी दिएको छ । विमान अवतरण गरेपछि चरासँग ठोक्किएको बताइएको छ ।

विमानस्थल स्रोतका अनुसार जहाजको बाहिरी भागमा रगत देखिए पनि रनवेमा कतै चरा देखिएको छैन । जजिराले जेठ २ गतेदेखि गौतमबुद्ध अन्तर्रास्ट्रिय विमानस्थलमा नियमित सोमबार, बुधबार र शुक्रबार उडान गरिरहेको छ ।

© 2016 अपटुडेट पब्लिकेशन प्रा.लि.
Designed by appharu.com