काठमाडौँ, २८ माघ । नेकपा एमालेका अध्यक्ष केपी शर्मा ओलीले अनेरास्ववियुका केन्द्रीय सदस्य मिलन राईको पार्थिव शरीरमा श्रद्धाञ्जलि अर्पण गरे ।
धुम्रबाराहीस्थित पार्टीको केन्द्रीय कार्यालयमा पुगेर अध्यक्ष ओलीले आज श्रद्धाञ्जलि दिएका हुन।
सडक दुर्घटनामा परी उपचारका क्रममा वीर अस्पतालमा निधन भएका २७ वर्षीय राईलाई श्रद्धाञ्जलि दिन राईको शव परीक्षणपछि पार्टी कार्यालय पु¥याइएको थियो ।
उक्त श्रद्धाञ्जलि कार्यक्रममा पार्टीका उपाध्यक्ष भीम रावल, महासचिव ईश्वर पोखरेललगायतका नेता तथा पार्टीका विभिन्न जनवर्गीय सङ्गठनका नेताको सहभागिता थियो ।
खोटाङ स्थायी घर भएका राईको पार्थिव शरीरलाई आज खोटाङ पु¥याई अन्त्येष्टि गरिने कार्यक्रम रहेको अनेरास्ववियुका सचिव आरसी लामिछानेले जानकारी दिए ।
यही माघ २५ गते काठमाडौँबाट गृहजिल्ला जानेक्रममा भक्तपुरमा उहाँ सडक दुर्घटनामा परेका थियो ।
प्रतिक्रिया दिनुहोस्