चितुवाको छालासहित एकजना पक्राउ

काठमाडौँ, २३ मंसिर । काठमाडौँको टोखा नगरपालिका–८ ग्रीनल्याण्ड एरियाबाट संरक्षित वन्यजन्तु चितुवाको छाला आखेटोपहार एक थानसहित एकजना पक्राउ परेका छन् । केन्द्रीय अनुसन्धान व्युरो महाराजगंजबाट खटिएको प्रहरीले उदयपुर ताप्ली गाउँपालिका–२ बस्ने ५० वर्षीय मदनबहादुर श्रेष्ठलाई पक्राउ गरेको हो । उनलाई आवश्यक कारबाहीका लागि डिभिजन वन कार्यालय हात्तीसार काठमाडौंमा बुझाइएको छ ।