काँग्रेस सिस्नो जस्तै पोल्ने पार्टी होः नेता शाह

कल्पना बोहरा

अछाम, २ फागुन । नेकपा एमालका वैकल्पीक केन्द्रिय सदस्य प्रकाश शाहले नेकपा एमाले देश भक्त, राष्ट्रभक्त, जनतामुखी र जातजातिमुखी भएको बताए ।

अछाम ईलाका नं १ को अधिवेशन उद्घाटन गर्दै जिल्ला ईन्चार्ज समेत रहेका शाहले नेपाली काँग्रेसले भारतको हस्तक्षेपलमा परेर नेपालमा राजनीति गरिरहेको आरेप लगाउँदै देशलाई टुक्राउने खेल खेलिरहेको बताए । नेपाली काँग्रेस सिस्नु जस्तै पोल्ने जात भएकाले एमालेले गरेका कार्यमा पोल्ने वाहेक अरु केही गर्न नजानेको समेत आरोप लगाए ।

सदस्य शाहले एमालेले ल्याएका विभिन्न विकासमुखी कार्यक्रमहरु जनताको पक्षमा रहेकाले अन्य पार्टिहरु आत्तियको बताए । कार्यक्रममा जिल्ला कमिटी अध्यक्ष एवं पुर्व सभासदसेर वहादुर कुँवरले आफैले वनाएको खानामा अर्कै भान्से लागेकाले एमाले त्यसको विरुद्ध लागेको बताए । उनले अछामको विकास निर्माणका कार्यमा नेकपा एमाले अग्रपक्तिमा रहेको दावी गरे ।

विकासका लागिआएको वजेट ठेकेदारहरुले दुरुपयोग गरिरहेको र विकासको गतिसुस्त भएकोले यी वजेट छिटो भन्दा छिटो सदुपयोग गरी विकास निर्माणका योजना अघि वढाउन सवैले लागी पर्न आग्रह गरे ।