हिटलरले विश्वयुद्धमा प्रयोग गरेको फोन कतिमा भयो त लिलाम ?

मेरिल्यान्ड, १० फागुन । जर्मनीका पूर्व तानाशाहा एडल्फ हिटलरले प्रयोग गरेको टेलिफोन सेट दुई लाख ४३ हजार डलरमा लिलाम भएको छ । उक्त टेलिफोन सेट हिटलरले दोस्रो विश्वयुद्धको बेला प्रयोग गरेका थिए ।

सेटको सुरुवाती मुल्य एक दाख डलर राखिएको थियो । हिटलरको नाम लेखिएको रातो रंगको उक्त फोन सन् १९४५ मा बर्लिनमा रहेको हिटलरको बंकरबाट फेला परेको थियो ।

जर्मनीले सोभियत संघसँग आत्मसमर्पण गरेपछि सोभियत सैनिके उक्त फोन उपहारका रुपमा बेलायती सैनिक बिग्रेडियर राल्फ रेनरलाई दिएको नागरिकमा समाचार छ ।