मध्यपुरका एमाले चुनावको कुरा गर्न बनभोज गर्न थाले

भक्तपुर,१३ चैत । नेकपा एमाले मध्यपुर नगर कमिटीले स्थानीय तहको निर्वाचन सम्बन्धी छलफल गर्ने उद्देश्यका साथ मध्यपुरको कोरिएन अस्पताल छेउ वृहत बनभोज कार्यक्रमको आयोजना ग¥यो ।

बनभोज कार्यक्रममा एमालेका केन्द्रीय सदस्य सोम मिश्र, सभासद केदार सन्जेल, राजेन्द्रमान,राजेन्द्र राजथला, बचन देउजा,मदनसुन्दर श्रेष्ठ, तारामान जोशी, प्रेमान्नद श्रेष्ठ लगायतका नेताहरुको सहभागिता रहेको थियो ।

कार्यक्रममा निर्वाचनमा एमालेलाई मध्यपुरमा कसरी विजय गराउने भन्ने विषयमा छलफल भएको एमाले भक्तपुरका जिल्ला सदस्य एव मध्यपुरका एमाले नेता चन्द्रभक्त श्रेष्ठले जानकारी गराए । श्रेष्ठका अनुसार छलफल मध्यपुर नगरपालिका र निर्वाचनमा केन्द्रित रहेर भएको थियो ।