काठमाडौं ,२० चैत । दिपायलको पिपल्ला बजारमा भीषण आगलागी भएको छ ।पिपल्ला बजारको बीच भागमै रहेको जीबी आयल स्टोरमा आगलागी सुरू भएको हो । आगो नियन्त्रण बाहिर गएको प्रहरीले वताएका छन ।
अहिलेसम्म आठ वटा पसल जलेर नष्ट भइसकेका छन् । २ वटा मोटरसाइकल पनि जलेका छन् । पम्पमा रहेका पेट्रोलिय ड्रमहरु पड्किरहेकाले आगो अझै नियन्त्रणमा अएको छैन ।
दिपायल नगरपालिकाको दमकल बिग्रिएका कारण डँडेलधुराको अमरगढी नगरपालिकाको दमकल बोलाइएको छ । तर, आइपुग्न अझै २ घण्टा लाग्ने भएकाले आगो थप फैलिने अनुमान गरिएको छ ।
आगो नियन्त्रणका लागि स्थानीय र प्रहरी खटिएका छन् । तर, आगो फैलँदै गएको छ । आगलागीका कारण पम्प सँगैको राष्ट्रिय बाणिज्य बैंकमा पनि आगो सल्किएको छ । आगलाागीका कारण अहिलेसम्म मानवीय क्षति भने नभएको बुझिएको छ ।
प्रतिक्रिया दिनुहोस्