वालकोटमा संचारकर्मीहरुलाई अध्यक्ष ओलीले भने–अहिले एउटा डफ्फा नै राष्ट्रियताको विरुद्धमा लागेको छ,त्यसको विरुद्धमा तपाईहरु लाग्नुहोस्

काठमाडौ,१२ वैशाख । नेकपा एमाले अध्यक्ष केपी शर्मा ओलीले सञ्चारकर्मीहरुलाई राष्ट्रियताका पक्षमा दरो भएर कलम चलाउन सुझाव दिएका छन् । पत्रकार महासंघ काठमाडौँ शाखाका नवनिर्वाचित पदाधिकारीलाई आफ्नै निवास बालकोटमा बधाई दिने क्रममा त्यस्तो सुझाव दिएका हुन् ।

संचारकर्मीहरुलाई वधाई दिने क्रममा अहिले एउटा डफ्फा नै राष्ट्रियताको विरुद्धमा लागेको छ,’ समाजिक सञ्जालदेखि सञ्चारमाध्ययममा समेत त्यो डफ्फाले समाचारलाई बङ्ग्याएर सत्यलाई असत्य बनाएर समाचार लेख्ने र भ्रम फैलाउने काम गरेको छ । त्यसको विरुद्धमा तपाईहरु लाग्नुहोला ।’

ओलीले भूकम्प गएको दुई वर्ष पूरा भए पनि सरकारको ध्यान त्यतातिर जान नसकेकाले अहिलेसम्म पनि भूकम्प पीडितले टहरामै जीवन गुजारा गर्न बाध्य हुनु परेको संचारकर्मीहरुसंग तितो यथार्थ सुनाए ।