बालिका बलात्कार गर्ने युवक पक्राउ

मो. इमरान खान

कपिलवस्तु १९ बैशाख । १३ वर्षीया बालिकालाई जबर्जस्ती करणी गरेको अभियोगमा कपिलवस्तुको महाराजगन्ज नगरपालिका– ११ चौहठ्ठाका २३ वर्षीया अनिल कुर्मीलाई प्रहरीले पक्राउ परेको छ ।

करणीमा संलग्न अर्का आरोपित दिपेन्द्र कुर्मी फरार रहेको इलाका प्रहरी कार्यालय महाराजगंजले जनाएको छ । घरदेखि पुर्वतर्फ रहेको बगैचामा रहेकी बालिकालाई आरोपीत दुई युवकले पिछा गर्दै गएका थिए ।

बगैंचामा दुबै मिलेर आइतबार राती ९ बजेतिर बलात्कार गरी भागेको प्रहरीले जानकारी दिएको छ । घटनाको बारे पीडित युवतीका अभिभावकहरुले प्रहरीलाई जानकारी गराएका थिए ।

लगत्तै प्रहरीले अनिललाई राती नै पक्राउ गरेको जिल्ला प्रहरी कार्यालय कपिलवस्तुका प्रहरी नायब उपरिक्षक प्रह्लाद अधिकारीले बताए । घटनाबारे थप अनुसन्धान भइरहेको छ ।