एक क्षेत्र एक मार्ग’ अवधारणामा हस्ताक्षर गर्ने सरकारको निर्णय

काठमाडौँ, २५ वैशाख । सरकारले चीनको ‘एक क्षेत्र एक मार्ग’ अवधारणामा हस्ताक्षर गर्ने भएको छ ।

सिंहदरबारमा आज बसेको मन्त्रिपरिषद्को बैठकले सो अवधारणामा हस्ताक्षर गर्ने निर्णय गरेको सरकारका प्रवक्ता सुरेन्द्रकुमार कार्कीले जानकारी दिए । चीन सरकारले अगाडि सारेको यो अवधारणाको प्रस्तावलाई नेपालले निकै महत्वका साथ हेरेको र यसबाट लाभ लिने विषयमा नेपालका स्वतन्त्र विद्वान्को सुझाव लिएर अगाडि बढ्ने रणनीति तय गरेको सूचना तथा सञ्चारमन्त्री कार्कीले बताए ।
बैठकले दक्षिण अमेरिकी देश एलसाल्भाडोरसँग कूटनीतिक सम्बन्ध स्थापना गर्ने तथा यही वैशाख २९ गतेदेखि थाइल्यान्ड र श्रीलङ्काका लागि हुने राष्ट्रपति विद्यादेवी भण्डारीको राजकीय भ्रमणलाई स्वीकृति दिने निर्णय पनि गरेको छ ।
बैठकले राजविराजलगायत स्थानमा मधेस आन्दोलनमा मारिएका सन्जन महतो, आनन्द साह, पीताम्बरलाल मण्डल, वीरेन्द्र महतो र किरण यादव, मोरङमा मारिएका वासुदेव साह तथा ताप्लेजुङमा मारिएका वन रक्षक गणेशबहादुर शाहीलाई सहिद मान्ने निर्णय गरेको छ । त्यस्तै काठमाडौँ उपत्यकाका चारै सुर चार किनारा मा चार नयाँ सहर सुरुआत गर्ने निर्णय पनि भएको छ ।