आतंककारी आक्रमणमा इजिप्टका ६ जना सैनिक मारिए

एजेन्सी, २८ असोज । इजिप्टका ६ जना सैनिक आतंककारीको आक्रमणमा परी शुक्रबार मारिएका छन् । अरिसको उत्तरी सहर सिनाइमा रहेको सुरक्षा जाँच केन्द्रलाई लक्षित गरी आतंककारीहरूले गरेको आक्रमणमा परी उनीहरूको मृत्यु भएको सेनाद्वारा जारी विज्ञप्तिमा जनाइएको छ ।

सेनाका प्रवक्ता टमेर एल रेफाईले लडाकूहरूले आगजनी गरेर आक्रमण गरेको बताउनुभयो । उनले आक्रमणकारीहरूको खोजी भइरहेको पनि जानकारी दिए । इजिप्टमा तत्कालिन राष्ट्रपति मोहम्मद मर्सीले सन् २०१३ को जुलाईमा राज्य विद्रोह को प्रयास गरेपछि सुरु भएको द्वन्द्वमा परी अहिलेसम्म सयौं प्रहरी र सुरक्षाकर्मीहरू मारिएका छन् ।