नेपाल कम्युनिष्ट पार्टी सार्कको पहिलो, एशियाको तेस्रो ठूलो

जेष्ठ ३, काठमाडौं । नेकपा एमाले र माओवादी केन्द्र मिलि आज घोषणा गरिएको नेपाल कम्युनिष्ट पार्टी सार्कको पहिलो तथा एशियाको तेस्रो ठूलो दल भएको छ ।

एकीकरणसँगै नेपाल कम्युनिष्ट पार्टी एसियामा चीन र भियतनामपछि ‘नेकपा’ तेस्रो ठूलो कम्युनिष्ट पार्टी बनेको छ । एकतासँगै संघीय सरकारसँगै ६ वटा प्रदेशका सरकार एकल बहुमतको भएको छ ।

नेपाल कम्युनिष्ट पार्टीले केन्द्र, प्रदेश र स्थायी तह सबैतिर बहुमत ओगटेको छ । लोकप्रिय मतमा कम्युनिष्ट पार्टी बहुमतभन्दा माथि अर्थात करीव ५३ प्रतिशत स्थापित भएको छ । सात मध्ये ६ प्रदेश र ७५३ मध्ये ४०३ स्थानीय तहमा कम्युनिष्ट पार्टीको सरकार छन् ।

प्रतिनिधिसभामा २७५ सिटमध्ये नेपाल कम्युनिष्ट पार्टी एक्लैको १७४ सिट भएको छ भने प्रमुख विपक्षी नेपाली कांग्रेस निकै कमजोर बनेको छ । कांग्रेसको जम्मा ६३ सिट छ ।