अभिनेता अनमोल बिना पारिश्रमिक काम गर्ने

 असार १०, काठमाडौँ । अभिनेता अनमोल केसीले बिना पारिश्रमिक काम गर्ने भएका छन् ।

देशका चार प्रमूख शहरहरु (बुटवल, पोखरा, चितवन, विर्तामोड)मा हुन लागेको ‘अनमोल साँझ २०१८’ कार्यक्रममा उनले बिना पारिश्रमिक लाइभ प्रस्तुति दिने भएका छन् ।

चारवटै कार्यक्रममा अनमोलले नृत्य तथा गायन प्रस्तुत गर्नेछन् । सामाजिक कार्यको लागि कार्यक्रम गर्न लागिएकोले आफूले पारिश्रमिक नलिएको अनमोलले बताएका छन् । अनमोल केसी हेलिकप्टरमार्फत् काठमाडौंबाट सिधै कार्यक्रम स्थलमा पुग्ने बताइएको छ ।

यो कार्यक्रम भदौं ९ गते बुटवल, भदौ १६ गते पोखरा, भदौ २३ गते चितवन र विर्तामोडमा भदौ २७ गते हुने भएको छ ।