राष्ट्रिय धान दिवश युवा युवतीको क्रेज : सभापति देउवाले गरे रोपाई (जे देखियो)

असार १५, भक्तपुर । कृषि प्रदान देश नेपालमा आज राष्ट्रिय धान दिवशमा नेपाली काग्रेसका सभापति तथा पूर्व प्रधानमन्त्री शेरबहादुर देउवाले रोपाई गरेका छन् ।

नेपाल किसान संघ भक्तपुर कार्यसमितिले ताथलीमा आयोजना गरेको रोपाई कार्यक्रममा सभापति देउवाले नेपाललाई वर्तमान समयमा आधुनिकीकरण गरी देशमा नै रोजगारी सिर्जना गर्न सकिने एक प्रमुख माध्यमको रुपमा कृषिलाई लिनुपर्ने बताए । देशको आर्थिक विकास र समृद्धिको लागि कृषिलाई विकास र विस्तार गर्नुपर्ने बताए । सभापति देउवाले पार्टीभित्र सबै एक भई कमीकमजोरीहरुलाई सुधार्दै अघि बढन सकेमा नेपाली कांग्रेस पुन एक नम्बर पार्टी हुने बताए ।

मानो खाएर मुरी उब्जनी गर्ने दिनको रुपमा रहेको धान दिवशको उपलक्ष्यमा काठमाडौं उपत्यकामा युवा युवतीहरुको एक वेग्लै किसिमको रैनक वा क्रेज रहेको छ ।