विवादले कांग्रेस बैठक प्रभावित

शुक्रबार बिहान ११ बजेलाई बोलाइएको केन्द्रीय कार्यसमितिको बैठक बस्दै नबसी स्थगित भएको छ । अघिल्लो दिन भएको विधान मस्यौदा समिति गठनमा नेता पौडेलले असमझदारी जनाएपछि बैठक स्थगित भएको हो । आजकोे नयाँ पत्रिका दैनिकमा खबर छापिएको छ ।  स्थगित बैठक शनिबार ११ बजे बस्ने गरी बोलाइएको छ ।

महासमिति बैठक भदौमै गर्ने भन्दै सभापति शेरबहादुर देउवाले आफ्नै निवास बुढानिलकण्ठमा पदाधिकारीको बैठकपछि ११ सदस्यीय विधान मस्यौदा समिति गठन गरेका थिए । तर, पौडेल पक्षले सुरुमा ९ सदस्यीय समिति गठन गर्ने भनेर पछि ११ सदस्यीय बनाइएको थियो । तर, समितिमा जिल्ला सभापतिलाई नसमेटिएको भन्दै असन्तुष्टि जनाएकाले बैठक रोकिएको हो ।