भदौ १३, काठमाडौँ । गायक यसकुमारको निर्देशनमा रहेको फिल्म छिरिङ्ग’ को टीजर रिलिज भएको छ ।
असोज १२ गते देशव्यापी रिलिज हुने फिल्म सुनिल माथेमा प्रधान, आइबी दर्नाल र नवीन बुढाथोकीको निर्माण रहेको फिल्मलाई यश र याम थापाले मिलेर लेखेका हुन् ।
उपल्लो मुस्ताङको सेट खडा गरिएको फिल्मले त्यहाँ चल्तीमा रहेको बहुपतिप्रथाको कथा देखाईएको छ । निमा रुम्बा, कामना भुजेलको मुख्य भूमिका रहेको फिल्ममा एक युवतीले गर्नुपरेको भौतिक, मानसिक, सामाजिक र सांस्कृतिक द्वन्द्व फिल्मको कथावस्तु हो ।
फिल्ममा मानकृष्ण महर्जनको छायांकन, चन्द्र पन्तको द्वन्द्व, कविराज गहतराजको कोरियोग्राफी, मिलन श्रेष्ठ र साहिल खानको सम्पादन रहेको छ ।
टिजर
प्रतिक्रिया दिनुहोस्