त्रियुगामा खोलामा माछा मार्न गएका सदाको डुबेर मृत्यु

असोज ६, काठमाडौँ । सप्तरीको कञ्चनरुप नगरपालिका वडा नम्बर ५, त्रियुगा खोलामा एक जना मृत फेला परेको छ ।

कञ्चनरुप नगरपालिका वडा नम्बर ४ का ६५ वर्षीय झमेली सदाको त्रियुगा खोलामा माछा मार्न गएको बेला डुबेर मृत्यु भएको जिल्ला प्रहरी कार्यालय सप्तरीले जनाएको छ । मृतकको शव पोष्टमार्टमका लागि राजविराजमा रहेको गजेन्द्र नारायण सिंह सगरमाथा अञ्चल अस्पतालमा राखिएको छ ।

घटनाको थप अनुसन्धान भइरहेको प्रहरीले जनाएको छ ।