अभिनेत्री करीना रेडियो सञ्चालिका

असोज १०, काठमाडौँ ।  अभिनेत्री करीना कपूर खान  रेडियोको माध्यमबाट आफ्ना फ्यानहरु माझ आउने तयारीमा छिन् ।

करीनाले उनको रेडियो कार्यक्रमको रेकर्डिङ पनि सुरु गरिसकेकी छिन् । करीनाको  कार्यक्रममा अभिनेत्री सनि लियोनी आउनेभएकी छिन साथै करीना र सनीले यस कार्यक्रममा फिल्म, विवाह र बालबच्चाको विषयमा कुराकानी गर्नेछन् ।

यही डिसेम्बरबाट सुरु हुने कार्यक्रममा करीना उनका स्रोताहरुको समस्या सुनेर उनीहरुसँग आफ्नो अनुभव साटासाट गर्नेछिन् । स्रोताहरुले फोन मार्फत करीनासँग कुराकानी गर्न पाउनेछन् । उनको यो शो भारतको इश्क १०४.८ एफएमबाट प्रसारण हुनेछ ।